Rožaje / Esnaf Tiganj lomio invertar lokala, pa napao policajca

Tri osobe uhapšene su minulog vikenda u Rožajama, u odvojenim incidentima – zbog napada na policajca, napada na vatrogasca i pokušaja ubistva maloljetnika.

Vijestima je iz Uprave policije nezvanično rečeno da je zbog pokušaja ubistva M. P. (16) uhapšen dvije godine mlađi Rožajac A. L.

Navodno, šesnaestogodišnji državljanin Srbije, sa prebivalištem u Rožajama, ranjen je oštrim predmetom u Ulici Maršala Tita, a policija je o incidentu obavještena nakon što je M.P. potražio pomoć u tamošnjoj Službi Hitne medicinske pomoći.

Službenici rožajske policije o događaju su obavijestili Više državno tužilaštvo u Bijelom Polju, po čijem nalogu je obavljen uviđaj.

”Četrnaestogodišnji A. L. pronađen je i lišen slobode po nalogu postupajućeg tužioca. Od obojice su, u prisustvu socijalnog radnika, uzete izjave”, kazao je sagovornik Vijesti.

Isti izvor dodao je da je postupajući tužilac krivično djelo kvalifikovao kao ubistvo u pokušaju.

Iste noći, u istoj ulici, nepunih sat i po ranije napadnut je policajac E. K. (29).

”Dežurnoj službi OB Rožaje u 20.10 sati prijavljeno je da je u Ulici Maršala Tita došlo do narušavanja javnog reda i mira, odnosno da Esnaf Tiganj, u jednom lokalu, nakon verbalnog sukoba sa konobarom M. B. lomi inventar lokala. Kada je patrola stigla na lice mjesta Tiganj je flašama gađao u pravcu objekta, a potom zaprijetio policajcu E.K. pritrčao mu, gurnuo ga i obalio na asfalt. Prilikom pada E.K. je zadobio povrede obje ruke”, kazao je sagovornik iz UP.

Pojasnio je da je o događaju obavješteno Osnovno državno tužilaštvo u Rožajama, i da je postupajući tužilac ocijenio da se u postupanju Tiganja stiču elementi krivičnog djela napad na službeno lice u vršenju službene dužnosti.

”Tiganj je uhapšen i u zakonskom roku sproveden na saslušanje u ODT Rožaje”, rečeno je Vijestima.

Dva dana kasnije, u rožajskom selu Suho Polje, zbog napada na vatrogasca uhapšen je tridesetsedmogodišnji Jasmin Kalač.

Njega ODT tereti da je tog dana, oko 19.15 časova, napao vatrogasca koji je učestvovao u gašenju požara na automobilu.

Izvor: Vijesti.me

Preuzmite android aplikaciju Sandzaklive portala Brža, modernija, preglednija...
Subscribe
Obavijesti o
guest
0 Komentara
Inline Feedbacks
View all comments
0
Voljeli bi čuti vaše mišljenje, molim vas komentarišitex

Adblock Detected

Please consider supporting us by disabling your ad blocker