PLAV / Šahmanović: I da je 700.000 eura pomoći bilo bi malo, 25 kuća moraće da se sruši

To što je Vlada opredijelila 70 000 eura za preventivno djelovanje najugroženijima od zemljotresa u Plavu – nije dovoljno, kaže za Antenu M prvi čovjek tog grada Orhan Šahmanović.

1648670bfacf8c4dabae7f8e53538a6f

          

“Da je 700.000 eura malo bi bilo kolika je šteta, ali to je preventivna mjera. Vjerujem da ćemo zajedno sa vladinom Komisijom za procjenu štete iznaći najbolje modalitete kako da pomognemo”, siguran je predsjednik Opštine Plav.

Konačna procjena štete u toj Opštini trebalo bi da bude poznata do srijede, kaže Šahmanović.

“Prema našem dosadašnjem popisu najmanje 25 kuća će morati da se sruši. Mi ćemo zajedno sa vladinom Komisijom za procjenu štete od elementarnih nepogoda raspodijeliti sredstava. Siguran sam da ni Vlada ni opština neće moći da obezbijede dovoljno sredstava da se adaptiraju sve kuće koje su stradale u zemljotresu, ali ćemo pomoći u većem obimu, nego što se do sada pomagalo”, kazao nam je Šahmanović.

Osim za Plav, na jučerašnjoj sjednici Vlada je odlučila da pomogne Gusinju sa 50.000, Andrijevici 40.000 i Beranama sa 30.000 eura.

          

Add comment
NAPOMENA: Komentari odražavaju stavove njihovih autora, a ne nužno i stavove internet portala Sandzaklive.rs. Molimo korisnike da se suzdrže od vrijeđanja, psovanja i vulgarnog izražavanja. Portal Sandzaklive.rs zadržava pravo da obriše komentar bez najave i objašnjenja. Zbog velikog broja komentara Sandzaklive.rs nije dužan obrisati sve komentare koji krše pravila. Kao čitalac također prihvatate mogućnost da među komentarima mogu biti pronađeni sadržaji koji mogu biti u suprotnosti sa vašim vjerskim, moralnim i drugim načelima i uvjerenjima.